ઈકીગાઈ (Ikigai) એટલે "જીવનનું ધ્યેય"-- આનંદ પૂર્વક કશુક કરતા રહેવાની કળા. આ હેક્ટર ગાર્સિયા અને ફ્રાંસેસ્ક મીરાલેસ લિખિત આંતરરાષ્ટ્રીય બેસ્ટ સેલર બુક છે. એમાં બે મત નથી. જાપાન દેશ અને તેના પ્રાંતો માં લોકોની જીવનશૈલી સતત પ્રવૃત્તિશીલ રહેવાની કળા વિશે લખવામાં આવ્યું છે. તેમાં પાંચ બ્લુ ઝોનનો ઉલ્લેખ છે કે જ્યાં દુનિયાના સૌથી વધુ દીર્ઘાયું લોકો રહે છે. આ બુકમાં જાપાનમાં રહેતા લોકોની જીવનશૈલી, ખોરાક , જીવનના લક્ષ માટે સતત કામ કરવાની પ્રેરણા, પ્રવાહમાં તણાઈ જવાની આદત અને હંમેશા હસતા અને ખુશ રહેવું ,પ્રકૃતિ સાથે સતત સંપર્કમાં રહેવું, સામાજિક ક્ષેત્રે સતત પ્રવૃત્તિશીલ રહેવાની વાત કરેલી છે. જેના થકી તેઓ દીર્ઘાયું થાય છે.આ બુકમાં યોગ (Yog)અને મેડીટેશન (Meditation ) ધ્યાન કઈ રીતે દીર્ઘાયું થવામાં મદદરૂપ થાય છે તેનું વર્ણન છે. આ બુકમાં જાપાન અને વિશ્વના અલગ અલગ દેશોના દીર્ઘાયુ લોકોના અનુભવો અને જીવનશૈલીનું વર્ણન છે. જીવનને સરળ અને આનંદથી કઈ રીતે જીવી શકાય!!! તેનું વર્ણન ખરેખર કાબિલે તારીફ છે. તેમાં દીર્ઘાયુ લોકોના ખાનપાનની આદતો, યોગ, ગ્રીન ટી, કસરતો, તણાવમુક્ત જીવન માટે ચીનની-- "તાઈ ચિ" અને "કવિગોંગ" પદ્ધતિઓનું વિસ્તૃત અને સચિત્ર, સમજાય એવું વર્ણન લેખકો દ્વારા કરવામાં આવ્યું છે. આજના આ ઝડપી, વલોપાતી અને સતત વિચારશીલ રહેતા મારા મિત્રોએ આ બુક વાંચવા જેવી છે. 5/5 સ્ટાર ⭐.
- બુક ખરીદવા માટે: અહીં ક્લિક કરો
